| الحوادث والفقر والدين وكبار المصايب |
| كلها من ربي الرحمن واحمده عليها |
| كل شي مقدره إلهنا مجري الهبايب |
| هذي اقدار الولي ولا حدن يشك فيها |
| وكل شي له من الرحمن تدبير وسبايب |
| والسعادة من عقب الاحزان لازم تقتفيها |
| والرجاء في ربي اللي منشيٍ غر السحايب |
| ناس محرومه وناسٍ خير ربي في يديها |
| والبنادم لاجعلو من فوقه طوال النصايب |
| مابقى له حاجةٍ عقب الوفاة بيرتجيها |
| كود رحمة ربي المعطي وهو جزل الوهايب |
| ربي اللي لاعطى عطيةٍ ماشح فيها |
| فيالله يامعبود تقبل توبة اللي جاك تايب |
| الذنوب كبار لكن رحمتك تقدر عليها |
| وانا لولا رحمتك تأكلني النار اللهايب |
| عزتي للي دخلها وعزي لمن طاح فيها |
| احسب اني باقي صغيّر وقدني اليوم شايب |
| والهوى والنفس والشيطان كل.ٍ عجز فيها |
الجمعة، 19 يناير 2024
كلمات قصيدة الحوادث
الاشتراك في:
تعليقات الرسالة (Atom)
ليست هناك تعليقات:
إرسال تعليق