يوم ميلادك يوم مالدنيا انت جيت
اول علاقتى بيك صوتك مبينى وبينك حيط
سمعت صوتك استغربت اتلخبط اتشديت
قلبى اتنفض ما بين ضلوعى ومن الفرحة بكيت
اول ما شوفتك الدنيا لفت بيا
ربى حبني ووهبى من عنده هدية
سرحت فيك ساعات فيك منى كتير حاجات
يا رب تاخد منى بس الحلو اللى فى الصفات
وفى وسط زحمة فرحتى فاجأة هجم سكات
مخلوط صور ابيض فى اسود من اللى عيشته ومن اللى فات
يمكن عشان الضلمة فى طفولتى كانت اكتر من النور
عيل صغير قال بسم الله وقام يعدى فى بحور
مش شايف شط او مينا لأخر البصر مفيش امل
كان نفسى فى حد يعلمنى وينصحنى ويبقالى المثل
ربك حمانى واتولانى برحمته مفيش جدل
بعد ما كل سكة اتسدت واسودت والباب قفل
يا رب يا كريم اهدينى وقوينى ووفقنى
لسكة تربيته على الشئ السليم
عارف انى مش مثالى
بس طمعان فى كرمك تخلى حاله احسن من حالى
وانا اوعدك يا رب هحاول ابقى احسن اب
واديه اللى ما شوفته فى نهر طفولتى اللى نضب
كل يوم بيعدى واشوفك فيه بتكبر
بتفاجئ ان طفولتى بتظهر فيك اكتر واكتر
ابتسامتى وضحكتى والمشى وحتى تكشرتى
حتى نومتك رجل فوق رجل دى نسخة من نومتى
قبل وجودك الدنيا ماكتش فارقه معايا
قلبي ده كان قلب حجر دى مش كفاية
جلدى تخن من قسوة الدنيا ومن مر الحكاية
بقيت زعلان على الشخص اللى شايفه فى المرايا
لحد ما انت جيت غيرتنى وكنت الهدائة
فتحت بايدك كل ابواب الرحمة جوايا
لما بحضنك واحس بدقة قلبى جنب قلبك
مية فى المية ما حبتش فى الدنيا قدك
لما بحضر اول مرة ليك فى اى حاجة
قلبى بيرفرف واحس بألف حاجه وحاجه
احساس غريب جزء منى اتحول انسان
بيزعل وبيفرح وبيزرع جوايا الحنان
خايف عليك من الدنيا يا ابنى ملهاش امان
وبدعى ربنا يحميك ويصونك هو الرحمن
كتبت رسالة ليك عشان لو قدرى حان
ومش مكتوب اكون جنبك لأخر الامتحان
عايزك تكون صاحب عزيمة فولاذ حديد
مهما الدنيا تحبطك صمم خليك عنيد
خليك واثق فى نفسك عن حلمك اياك تحيد
مهما اسود الليل وطال هيطلع فجر جديد
عاوزك لربك شاكر ولجهد الناس تقدر
واوعى تظلم مهما كنت قادر ربك هو الاقدر
اوعى تفضح اى انسان لو ربك ستر
كما تدين تدان متضمنش القدر
لو قولت كلمة حق والناس قامت عليك
كأنهم قالولك مبروك تسلم ايديك
عشان الكلب الميت ضرب مش مطلوب
لكن لو كان شجر مثمر بيتحدف بالطوب
لو يوم ذنوبك تقلت ارجع لربك توب
ربك لو حبك هيحبب فيك كل القلوب
ساعات بسرح واسأل نفسى والدماغ تفكر
يا ترى هتبقى فعلا ظهرى لما اكبر
لما العجز يبدأ ينهش فيا ويجور عليا
فى عز احساسي بضعفي هيكون قلبك عليا
لما اللسان يتقل والكلام يصبح بطئ
واعيد نفس الكلام اكتر من مرة ارجوك تطيق
ياما طلبت منى اعيد حكى الحدوتة كتير
وفى كل مرة كنت اعيدلك قلبى كان بيطير
لما تلاقينى قدمت ومش مواكب عقل جيلك
متركنيش فى جهلى علمنى من غير ما اجيلك
خليك عنيا نورلى طريقى لمنتهاة
وافتكر انى من علمك معنى الحياة
لما ابطل اقدر امشى لوحدى خطوتين
لما اكون اضعف من انى اقدر اشرب من غير معين
لما تموت الذاكرة وبالعافية اعرف انت مين
وجودك جنبى كفاية لحد ما يجيلى اليقين
كلمتين هقولهم عندى اغلى من الياقوت
كنت معاك يوم ولادتك عايزك جنبى يوم ما اموت
اول علاقتى بيك صوتك مبينى وبينك حيط
سمعت صوتك استغربت اتلخبط اتشديت
قلبى اتنفض ما بين ضلوعى ومن الفرحة بكيت
اول ما شوفتك الدنيا لفت بيا
ربى حبني ووهبى من عنده هدية
سرحت فيك ساعات فيك منى كتير حاجات
يا رب تاخد منى بس الحلو اللى فى الصفات
وفى وسط زحمة فرحتى فاجأة هجم سكات
مخلوط صور ابيض فى اسود من اللى عيشته ومن اللى فات
يمكن عشان الضلمة فى طفولتى كانت اكتر من النور
عيل صغير قال بسم الله وقام يعدى فى بحور
مش شايف شط او مينا لأخر البصر مفيش امل
كان نفسى فى حد يعلمنى وينصحنى ويبقالى المثل
ربك حمانى واتولانى برحمته مفيش جدل
بعد ما كل سكة اتسدت واسودت والباب قفل
يا رب يا كريم اهدينى وقوينى ووفقنى
لسكة تربيته على الشئ السليم
عارف انى مش مثالى
بس طمعان فى كرمك تخلى حاله احسن من حالى
وانا اوعدك يا رب هحاول ابقى احسن اب
واديه اللى ما شوفته فى نهر طفولتى اللى نضب
كل يوم بيعدى واشوفك فيه بتكبر
بتفاجئ ان طفولتى بتظهر فيك اكتر واكتر
ابتسامتى وضحكتى والمشى وحتى تكشرتى
حتى نومتك رجل فوق رجل دى نسخة من نومتى
قبل وجودك الدنيا ماكتش فارقه معايا
قلبي ده كان قلب حجر دى مش كفاية
جلدى تخن من قسوة الدنيا ومن مر الحكاية
بقيت زعلان على الشخص اللى شايفه فى المرايا
لحد ما انت جيت غيرتنى وكنت الهدائة
فتحت بايدك كل ابواب الرحمة جوايا
لما بحضنك واحس بدقة قلبى جنب قلبك
مية فى المية ما حبتش فى الدنيا قدك
لما بحضر اول مرة ليك فى اى حاجة
قلبى بيرفرف واحس بألف حاجه وحاجه
احساس غريب جزء منى اتحول انسان
بيزعل وبيفرح وبيزرع جوايا الحنان
خايف عليك من الدنيا يا ابنى ملهاش امان
وبدعى ربنا يحميك ويصونك هو الرحمن
كتبت رسالة ليك عشان لو قدرى حان
ومش مكتوب اكون جنبك لأخر الامتحان
عايزك تكون صاحب عزيمة فولاذ حديد
مهما الدنيا تحبطك صمم خليك عنيد
خليك واثق فى نفسك عن حلمك اياك تحيد
مهما اسود الليل وطال هيطلع فجر جديد
عاوزك لربك شاكر ولجهد الناس تقدر
واوعى تظلم مهما كنت قادر ربك هو الاقدر
اوعى تفضح اى انسان لو ربك ستر
كما تدين تدان متضمنش القدر
لو قولت كلمة حق والناس قامت عليك
كأنهم قالولك مبروك تسلم ايديك
عشان الكلب الميت ضرب مش مطلوب
لكن لو كان شجر مثمر بيتحدف بالطوب
لو يوم ذنوبك تقلت ارجع لربك توب
ربك لو حبك هيحبب فيك كل القلوب
ساعات بسرح واسأل نفسى والدماغ تفكر
يا ترى هتبقى فعلا ظهرى لما اكبر
لما العجز يبدأ ينهش فيا ويجور عليا
فى عز احساسي بضعفي هيكون قلبك عليا
لما اللسان يتقل والكلام يصبح بطئ
واعيد نفس الكلام اكتر من مرة ارجوك تطيق
ياما طلبت منى اعيد حكى الحدوتة كتير
وفى كل مرة كنت اعيدلك قلبى كان بيطير
لما تلاقينى قدمت ومش مواكب عقل جيلك
متركنيش فى جهلى علمنى من غير ما اجيلك
خليك عنيا نورلى طريقى لمنتهاة
وافتكر انى من علمك معنى الحياة
لما ابطل اقدر امشى لوحدى خطوتين
لما اكون اضعف من انى اقدر اشرب من غير معين
لما تموت الذاكرة وبالعافية اعرف انت مين
وجودك جنبى كفاية لحد ما يجيلى اليقين
كلمتين هقولهم عندى اغلى من الياقوت
كنت معاك يوم ولادتك عايزك جنبى يوم ما اموت
ليست هناك تعليقات:
إرسال تعليق