كلمات والله ما عايز كايروكي

والله ما عايز غير بيت في بنت الصبح بتفرد ضفايرها
وعيال بتقوم من النوم بتجري عليا من غير حتى ما تفتح عينيها
”والله ما عايز“ غير كباية شاي وبوسه حب ورضا من الحال
وجرايد اخبارها عال وابتسامات ”الناس“ في الشارع ترجع تاني زي زمان ؛
وصباح ”الفل“ في وشك دايما من عسكري ”مهموم“ تعبان نفسة يسلم خدمه ويجري يروح بيتة ينام
من ”كمساري“ زهقان من الزحمة من ”تاكسي“ في شارع غرقان
والله ما عايز الا ثلاثة جنيه ثمن ”الدمغة“ وخدمة مسك وكباية شاي لموظف ”غلبان“
والله ما عايز الا ”بطاقتي“ يا ناس حتى و لو من غير ”عنوان“
والله ما عايز غير الشغل لا ”كلام“ يعني ولا ”حديد“ و لا قالوا وقلنا كله لت وعجن وحواديت ؛
ولا زر ونم وهيصة فاضية وتخبيط ووقف انت وبتكلم ”ضحكة“ غش وتظبيط
والله ما عايز حد عبيط والله ما ناقص تنطيط .. والله ما عايز بعد الشغل غير اني اروح تعبان من الحر وبتطوح
والقى ”حبيبة“ قلبي بتضحك ولا طراوه بيت بتاخذني بترد ”الروح“
هم الدنيا في لحظة يروح ولا ”عيال“ بيجروا عليا ويحضنوا فيا
وياخذوا ”الشنطة“ يقلبوا فيها وياخذوا الحاجة الحلوة ويجروا .. وبعد الظهر اقرأ الجورنال وحبيبتي أجميل شئ في
الدنيا واقفة تكويلي القمصان وتبصيلي وانا ”تعبان“ .. والله ما عايز غير ”حضنك“ و اتغطى وأنام .