كلمات انا اخوان للشاعر هشام الجخ

كلمات انا اخوان للشاعر هشام الجخ
كلمات القصيدة

 انا اخوان
 انا اخوان وكل المسلمين اخوان
 فمتصنفش اسلامى على كيفك
 حقيقتى اقوى من زيفك
 وصابعى لوحدى بكفوفك
 ولا اتهدش قصاد خوفك
 يا خوف يا جبان انا اخوان
 بطيع الله فى ملكوته
 وبدعى يذيدنى من فضلة و من قوته
 واصلى و اصوم
 واجاهد نفسى واصبى على البلا و احمد
 و حمدى يدوم
 لأنه الرازق الوهاب
 وهو مسبب الاسباب ده ليه الفضل و ..
 فمتبصش لدينى بصة طماعة انا دينى لهو سلعة ولا بضاعة
 ولا ليه سوق
 لا انا بايع ولا شارى
 ايمانى هو رأسى مالى فأصحى و فوق
 مانيش اخوان على نهجك
 فلم من الدروب امدك
 كفاية شكوك
 مش انت لوحدك الاخوان
 انا اخوان بحق الله وبالسنة و بالقران
 وقد الجد انا عثمان ووقت الحرب انا حمزة
 ووقت الفصل ببقى فاروق انا اخوان على الرحمة و على التقوى وحب الناس
 لكن عمرى مهتأخون بأخونتك على الصندوق
 عنيكم فيها كل النور ومش شايفة
 غباوة انك تهدد ناس مهيش خايفة
 بتهدد فى مسن يا حزين
 ده انا الاهه اللى طلقونى
 وجيعة و سارحة فى الشارع ومش ممكن هتخفونى
 هتسمعنى وغصبن عن عينيك الجوز على دماغك هترفعنى
 انا الناس اللى عاشت تحت خط الفقر
 وانا الناس اللى ماتت ملتقتش القبر
 فسيبك من اللى بيجاملك و بيهيص
 وركزلى واسمع كلمتى كويس
 انا الثورة اللى عملت منك الريس
 انا اللى يادوب من سنتين
 كنا بنتحبس صحبة و كنا بنتجلد صحبة و كنا فى الميدان صحبة
 بتبعد ليه و تقلب على الطريق غربة
 بتمشى فى الطريق الصعب وحدك ليه مهملنى
 ملو صعبة عليك الشيلة حملنى
 تلاقينى بعارضك اه لكنى ولااك
 بجدف فى السفينة معاك
 اكون ودنك اكون عينك
 اكون قوة فى دراعينك
 نبنى بلدنا لهوانا مش لهواك
 وخيرها يبقى جوانا مش جواك
 مش انت تاخدلى فى القرارات وانا الللى امسح بأيدي خراك
 متتلجلجش من الناس اللى بيعارضوك
 بلدنا عايزة ريس يسمع نقضوا بودانه ميستكبرش
 يكون جبار على الظالمين .. ينام بينا و يقوم
 يمشى يعد فى الشارع على الثعابين
 ويفهم ان فى الشارع شباب ثايرين ملحقوش يبقوا كارهينك
 فمتذودش نار الكره فى قلوبك
 شباب شايل فلوس بلده مش بتخس فى جيوبهم
 متستعلاش ببقين من بتوع حسنى يا مولانا
 ورمنا كلام و صدر للغنى قفانا
 متدبحليش حمامة يتيمة على عينها وتقنعني انه ديك رومي
 متلعبش انت في المياه وتمسح ايدك المبلولة في هدومي
 ومش كل أما توعد وعد تطلع بوق
 متشدش فرامل اليد وتطلب مني أنزل أزق
 ولما الناس تكون ثايرة ومختلفة متطلبليش في أتباعك
 ولما تكون مع وزيرة متلعبليش في بتاعك
 ولا تسمعنى ولا اهلى ولا عشيرتى
 وخيرنا يبقى لبلادنا قبل وا يبقى على جيرتك
 بلدنا حواض من البركة بعمر النيل
 بلد دفيانه بالقران و بالانجيل
 انا اخوان
 انا اخوان
 مش انت لوحدك الاخوان
 نا اخوان وكل المسلمين اخوان
 فمتصنفش اسلامى على كيفك
 حقيقتى اقوى من زيفك
 فيديو قصيدة انا اخوان

كلمات قصيدة مكملين للشاعر هشام الجخ

كلمات قصيدة مكملين للشاعر هشام الجخ

كلمات القصيدة

مكملين وللى مش فاهمين نقول
للى مش فاهميــــــــن نزولنـــا للى معاشوش ظلمنا ولا قهـــرنا وحسوش نـزولنا
للى مداقـــــــــوش مـر جوعنا للى مانــــاموش فى الشــــــــوارع كالدبــــــــــــايح
كملــــــــــوا بالليــــــــــــــــــــل عشــــــــــــــــــــــــاهم من الصفايـــــــــــــــــــــح
للـــــى مش فاهميـــــــــــــن مهانــــــــــــــة الرجــال قهـــــــر الرجــــــــــــــــــال
للـــــى بيقــــــــــولوا علينـــــــــا حبــــــــــــــــة عيال احنــا مش حبــــــة عيــال
للى مش فاهميـــــن نزولنا للى معاشوش ظلمنا ولا قهرنـا وحســـــــوش نـــزولنا
للـــــى مداقــــــوش مر جوعنا اللى مانـــــاموش فى الشــــــــــوارع كالدبايــــــــح
كملــــــــــوا بالليــــــــــــــــــــل عشــــــــــــــــــــــــــــاهم بالصفايـــــــــــــــــــــح
للـــــى مش فاهميـــــــــــــن مهانــــــــــــــة الرجــال قهـــــــر الرجـــــــــــــــــــال
للـــــى بيــــــقولوا علينـــــــــا حبـــــــــــة عيال .. احنــا مـــــــش حبـــة عيــال
احنــــــــا شوفنــــــــــــــا النيـــــــــــل بيـــنــــــشف فــــــى البيـــــــــــــــــــــــوت
واما يجـــــــري يتــــــــــــفرش حمام سبــــــــــــاحة فى قصــــــــــــــــــــر بــاشا
مستكتـــــــــــرين فيـــــــــــــا الغضب مانــــا كنت غرقــــان فـى البشــــــــــــاشه
كنــــت راضــــــــــى ببــــــــوق مـــــــــايه واقـــــــــــــول دى هنــــــــــــــــــــــــــات
كنــــــــــــت ببــــــــــكى فى القصــــــــــايــــــد كنــــت بشتـــم فى القصــــايـــــد
تتــــــــقطع ايـــــــــــــــــــــدى امــــــــــــا قــــــــولت حبيبتـــــــــــى مـــــــــــاتت
للــــــــــــى مش فاهميــــــــــــن نزولنـــــــــــــــــــــــــــــا فى الشــــــــــــــــــــوارع
احنــــــــــــــــــا بنــــــــــــــــــدور على الحلــــــــــم اللـــــــــــــــــــى ضايـــــــــــع
احنــــــــــــــــــــــــــــــــــــــا جرينــــــــا النــــــفس فى عــــــــروق عيــــــــــــالنــا
يكبــــــــــــــــروا فــــــاهميــــــــــــــــن حــــــاجات مـــافهمنــــــــــــــــــــــــــهاش
اقبــــــــــــــل انــــــى اعيـــــــــــــــش عشـــــان حلم وقضيـــــــــــــــــــــــــــــــــــه
بس ماقبــــــــــــــــــلشى انـــــى عمــــــرى يضيـــــــع بــــــــــــــــــــــــــــــــــــلاش
مااحنـــــــــــــــــــا سيبنــــــــلكوا البــــــــــــــــــلد مانصفتــوهـــــــــــــــــــــــــاش
ماتــــــــلوموش علـــــى اللى اتــــــعجن فى المعجنـــه واللى اتظلــــــــــــــــــــــــم
واذا كنتـــــــــوا فـــــاكرينا غنــــــمـ على حظكم أنا جِـــــــدْى فــــــــــــــــــــــــاق
فـــــاكرين زمــــان حذرتكم مستنى ايـه من طفـــــــل رَبُّــــوه بالزعـــــــــــــــــاق
إذَا كنتـــــــــوا فاكــــــــرينا غنــم على رزقــــــــكم أنا جِــــــــدْى فـــــــــاق أرزاق
للــــــــــــى مش فهميــــــــــــن نزولنــــــــــــــــــــا فى الشــــــــــــــــــــــــــــــــوارع
الحـكومة عودتنا على الشـوارع بيتتنا فى الشوارع نيمتنــــــــا فى الشــــــــوارع
الحـــــــكومة قفلت على نفسها كل البيبــــان خوفتنـــــا من البيبـــــــــــــــــــــان
فاتـــــرمينا كلنــــــــا فى حضـــــن الشــــــوارع اكتــر مـــــــكان لقينـــــــــاه امان
للــــــــــــــــــى خايفيـــــــــــــــــــــــن على البـــــــلد لحسن تـــــــــــــــــــــــــموت
ماتخــــــــــــــــــــــــــــــــــــــــــــــ ـــــــــــــــافووووش المــــوت ســـــــــــــــــــــــكوت
واحنـــــــــــــــــــا مش فى الخــــطه اصــــــــــــــــــلا ان بــــكرة يـــكون ســـــــكوت
احنــــــــــــــــــــــــا شايليـــــــــــــــــــن حملنــــــــــــــا ومكمليــــــــــــــــــــــــــــن
بــــــــــــكرة بيشـــــــــــــاور علينـــــــــــا واحنــــــا مش مستعجليـــــــــــــــــــــــن
مااحنـــــــــــــــــــــــــــــا لينــــــــــــــــــــا كام سنــــــــه متقنـــــــــــــــــــدليـــــن
صــــــــــــــــــــــــــــــابحيــــــــــــــن فى طيـــــن نايميــــــــــــــــن فى طيـــــــــــن
احنـــــــــــــــــا بنـــــــــــــأســس بـــــــــــــلد تسمـــــع شكـــــــــاوى المظلوميـــــــن
نشتـــــــغل نـــــلقى عرقنـــــــا قصـــــــاد عنينـــــا مش فــــى جيـــب النصابيـــــن
نشتــــــــــــــكى نلــــــقى اللـــــى يسمـــــــع شكـــــوة النـــــاس الغلابه الطيبيـــن
احنا بنشكل بلد لاهى خايفة من صــوت الاذان ولا خايفة من ان الكنائس تتبنــــى
احنـــــــــا بنــشكل وطن عافيان غنــــى مش وطن يخدم 15 نفر ويبــــات جعـــــان
احنــــــــــــــــــــا مــــــش عــــــــــــــاوزين وطـــــــــــــــــن مـــــزلـــــول مهــــــــــان
“المصــــــــــــــــــــــــرى مـــــــــــــــش لايــــــــــــــــــــقة عليــــــه كلمة مهـــــــان”
يقــــــــــــــــولك احنـــــــا عملنــــــــا فوضـــى احنــــــا بردوا عملنا فوضـــــــــى !!
احنــــا كنــــا بنتـــجلد ونعيـــــش ونرضـى واحنــا كنا بنتسرق ونعيش ونرضـــــى
كــــــــــــــانت الاسعـــــــــــــــــــــــــار بتـــــــــــــــــغلى وكنــــــــــــت بــــرضـــــــــى
والشرطة بتفتشنى عااادى فى اى وقت فى اى حته وبدون مناسبـةوكنت برضـــــى
والانتـــــــــــــخاب من ســــن كـــــام لسن كام “معــــرفشى ليـــه” وكنت برضــــــى
جـــــــــــــــــــــــــــــــاى النــــــــــــــهردة تقــــــــــــولى احنـــــــا عملنـــا فوضــــــى
مـــــــــــــــاسورة الغـــــــــــاز بتـــقفلها لصعيـــد بـــلدك ولتــل ابيب بتـــفتـــــحها
مــــــــــــــاسورة الغــــــــــــاز بتـــقفلها عــــــلى ولادك ولـلاعـــــــداء بتفتـــــــحها
وناس شقيانه طول اليوم عشان لقمه وغالي ياخدها على الجاهز اللهــى يارب يطفحـــــهــا
ونــــــــــــــاس تســـــــــــــكن قصـــــــــــــــور بتدور ونـــــــاس الجـــوع بيــــدبحها
ونــ ــاس بتموت فى الميادين فدى الثوره وناس خايفة على مشــــاعره لنـجرحهاااا
ياخي أ.....اااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااا
احنـــــا هانـــكمل وهانـــــــــزق البيبـــــــــان يااااااااااااااااااااااااااارب انت المستعان
واللى بيقولوا علينا مغيبين ومسطحين ومجوفين وبوابين ومعفنين ومنتنين وبلطيه وماجورين
خليــــــــــهم يقولـــــــــــــــوا بــــــــراحتهم .. احنـــــا بـــردوا مؤدبين ومسالمين
بس احنا بردوا “مكملين”

كلمات قصيدة حظك كدة للشاعر هشام الجخ

كلمات قصيدة حظك كدة للشاعر هشام الجخ

كلمات القصيدة

حظِك كده .. حظِك كده
مكتوب عليك تحبى واحد قلبه صدى
لا الفرحه تقدر تنعشه ولا حزن يقدر يرعشه
ولا نكته حتى تفرفشه ولا حتى خضه
مع ان قلبك من دهب مكتوب عليكى تحبى واحد قلبه فضه
حظك كده

كل البنات اللى فى حياتى قبلك أستنونى نمت وغدروا بي
عِدىَ جوابات الغرام اللى فى دولابى
شوفى كام مره اتغابيت وفتحت بابى
مره بيضه ومره سمره
دى الطويله ودى التخينه
وأردنيه ومغربيه وفى الروسيه
وفى العجوزة ..وفى الصبيه
وفى النهايه الكل بردك غدروا بيه
أحتمال العجز فيه

المهم انى خلاص ما بجتش قادر أحب تانى
جسمى نحس من السهر والانتظار ومن الاغانى.
انتى اجمل واحده حبتنى فى حياتى
رقه الكلمه فى شفايفك
الخيال اللى محاوطنى ومحصرنى وأنت غايبه
كأنى شايفك

العيون المعجزات اللى بخاف أرفع عينيه
يغضب المولى عليه
والله ما أنا عارفلى خوف
أنا ببقى خايف ربى ولا ببقى خايفك

أنتى بكر.............كل حاجه فيك بكر
الشوارع والمدرج والأمانى
جوه منك لسه بكر
أما أنا جيش من الحريم استهلكونى
يا ما رقدوا و يا ما لعبوا ويا ما سكنوا
فيه إيجار وفيه إللى ملك
وفيه خدتنى وضع يد
صبحت حكر
وأنت بكر
طب هاينفع؟
عارف أنها مش خطئتك
انى عيشتى معقده
بس اعمل ايه
حظك كده

كلمات قصيدة مع ركعتين الفجر للشاعر هشام الجخ

كلمات قصيدة مع ركعتين الفجر للشاعر هشام الجخ

كلمات القصيدة

مع ركعتين الفجر
القلب بيدندن
يعلى الادان جواي
من قبل ما يأذن
يا بلال يا صوت السما
...يا أبو التجاره رباح
شرفك يطول السما
واسمك بلال يا رباح
خلي النبي يرتاح
قيم الصلاة وأذن
مع ركعتين الفجر
القلب بيدندن ..

كلمات قصيدة يا وخداني من الشيبة للشاعر هشام الجخ

كلمات قصيدة يا وخداني من الشيبة للشاعر هشام الجخ

كلمات القصيدة

يا وخدانى من الشيبه و واخده الشيبه من سني
و من سني ادوس الحزن من سني
و أسن السّن على سني
و اسنّلك شريعه و يوم يطول بطول سنين سني
يا وخدانى صغير سني
فقير سني
و انا مش شيخ و لا سنّي
دة انا اللى همومى مسّني
هموم الدنيا مسّني
ولساكى تشيلى هموم
و لسّني بحس جراحك المكبوته حاسنّي
وحسّني يا حسان الخلايق ليله حسّني
ده كل ذنوبى بس اني
بحب الأهه و الموال
واحبك نانا غيابه
و احبك موجه دوابه
و فرحه و شمعدان متقاد
بحبك ليله من كلثوم و هم الحرمه من جابر
بحبك طبله من حداد , بحبك و الله ما أنا قادر
زهقت اقول كلام متعاد
هبيعك هبقى كيف عواد ,
ماهو انتى الارض و العوّاد
خصيمك طه ما تسافرى
ولا تبالغى فى تقلانك و لا تسافرى
لا انا خيال و لا خلوى
و لا عمرى كسرت الليل
و لا يغرك كلام الناس
دة انا ترباس و حيلي قليل
اسافر كيف وراكي بلاد
و انا متقاد و مافضيش
اقولك ... لانا واد خيال
و لا الفرسه هتمشى بلاد
و برضوا تسفرى .. طب سافرى ...عليكى الذنب من سافري
ظلمتي الفرسه و الجواد ..............

كلمات قصيدة حمارين حبيبه للشاعر هشام الجخ

كلمات قصيدة حمارين حبيبه للشاعر هشام الجخ

كلمات القصيدة

وبقولها انا انت
وانت انا
مين الحمار فينا
اتا اللى حمار ولا الحب
اللى نازل رجرجة فينا
طب انت انا ... وانا انت
وجه فينا اللى جه فينا
حظوظ الناس مصالحاهم
وحظنا ليه مجافينا
طظ يا حظ يا ملاوع
هحبها ويكش تولع نار
هاكونلها بر وسفينة
هنتحمل وهنكيدك
ونضحك رغم ما فينا
وشوف غيرنا يا حظ خلاص
مفيش والله رجا فينا
ده انا انت وانت انا
طب مين حمار فينا


حمار الليل مطولش
فيوم السهرة والزينة
حمار الواد بتاع اللب
فاكرة يوميها عالكورنيش
قطع احلامى وكلامى
عن الترحال ويوم سفرى
ويوم ملقاكى عالمينا
حمارة صاحبتك لما
بتمشى معاكى فالشارع
يبان حسنك يغطيها
يخللى شكلها شوارع
بحبك ظايطة فاللمة
واحب اللمة فعنيكى
وبفرح كل يوم لما
تسافر ايدى فايديكى
ياعم حسين يا ملقانا
يا شاهد فرحى وشقانا
انا اللى حمار ولا هى
ولا الحب اللى ورانا


حمارة سياسة التعليم
فدى الدولة
وقال تعليمك العالى
ياولدى يبقى ليك اولى
بقالى سنين انع يا ناس
مابين ثانوى وبين جامعة
اقول ابنى سحابة شوق
تاخدنا لفوق
وتبقى هى دى الجانعة
هاتجمعنا لوحدينا
تدارى كسوفها منينا
وانا فصدرك .. وانتى فحضنى
نرجع تانى نتلخبط
ما نعرف مين حمار فينا


ساعات اقعد مع نفسى
فليلة صيف وبلكونة
وقمراية ونص سيجارة
اروج حبة عن نفسى
وكام نظرة على اشارة
يطيروا منى للجارة
لو انتى جيرانا لزقالنا
وكاشف بيتكوا شباكنا
ماكنتش اكره الشقة ولا القعدة
هاشوفك كل يوم نايمة
وهشوفك كل يوم قاعدة
انا شايفك وشايفانى
وصوتنا موصله التليفون
اكن الكون بقى بتاعى
او احنا وبس جوه الكون
لكن حظى التعيس دايما
مخللى عمارة ولا اتنين
مابين بيتى وبين بيتك
وداروا بيتى عن بيتك
بس انا عرفت الحمار الان
فلان احمد فلان
عشان سايب كل المكان
وبانى عمايره وسطينا
وساب روحى تروح روحك
ويتلاقوا فنص السكة
مابينك وبين الكون
يطيروا فالهوا حبة
يدوبوا حب ومحبة
ابصلهم يا وخدانى
وقلبى صافى ومزقطط
وارجع تانى واتلخبط
ولا اعرف مين حمار فينا


بحبك نانا او ناعسة
بحبك ليلى او المظ
نعيمة .. تمر حناية
بحبك وانتى بالمينى جيب
واحبك شال ودلاية
بحبك وانتى فالتليفون وفالجوابات
بحبك ...... وانتى ويايا
بحبك بت حكاية ورغاية
تصحى سكوتى جوايا
تلاعبينى واغمى عيونك السودة
صوابع ايدك الممدودة
بتدور على حضنى وتتدور
كسوفك عنى حايشنى وحاششنى
وطيش حبك مطيشنى
كفاية تعبت مالطيشان
مفيش مرسى يدفينا
ايديكى تنام على صدرى
فحتة يدوب تكفينا
وليل نعسان يغطينا
تغير الشمس منينا
تصحينا
يهيج قلبى ويتخبط
وارجع تانى واتلخبط
ولا اعرف مين حمار فينا


بحبك طايشة جواية
مسافرة ضلوعى فضلوعك
وانا طوعك
يزلزل صوتك الزلزال ويحينى
يخلينى انا ... عصفور فشباكك
يا ناشرة فالمدى شباكك
ايديكى يوم ما ضمتنى
حضنت الكون بكفة ايد
وبالتانية سندت القلب فمكانه
بحبك .... يااااااااااااه .....
يا نار فالقلب نوارة
انا حمار اللى حبيتك
وخليتك بحبى حمارة
يــــا حمــــــارة

كلمات قصيدة الرسالة الاخيره للشاعر هشام الجخ

كلمات قصيدة الرسالة الاخيره للشاعر هشام الجخ

كلمات القصيدة

الوقت يمضي والحياة تُسارعُ
فأظفر بعمرك إنه لا يرجعُ

...حاور وناقش واستمع صوت الجموع
فقط جموع الصم من لا تسمع

...إني رأيت بمصر نهر محبة
ما كان من دون الحوار سينبُعُ

عانت بلادي ظلمة الصمت الثقيل
فكل صوت كان يعلو يُقمع

حتى أتاها صوت جيل يناير..
فغدت تلملم حسنها وتُجمِّعُ

كنا نكلم قادة الحكم القديم
فما استجابوا للكلام وما وعوا

ظنوا -على جهلٍ- بأن كلامنا
خطرٌ يُهددُ عرشهم ويُزعزع

اليوم تبكي كل نفس صنعها
وتود لو عاد الزمان فتصنع

يا من يحبون العروبة أنصتوا
وتحاوروا وتناقشوا وتشجعوا

أنتم ملوك فخمت درجاتكم
وشعوبكم أيضًا تُصانُ وتُرفع

كلمات قصيدة مشهد رأسى من ميدان التحرير للشاعر هشام الجخ

كلمات قصيدة مشهد رأسى من ميدان التحرير للشاعر هشام الجخ

كلمات القصيدة

خبئ قصائدك القديمه كلها
مزق دفاترك القديمه كلها
واكتب لمصر اليوم شعراً مثلها
لا صمت بعد اليوم يفرض خوفه ..فأكتب سلام النيل مصر واهلها
عيناكِ اجمل طفلتين تقرران بأن هذا الخوف ماض وانتهى
كانت تداعبنا الشوارع بالبروده والسقيع ولم نفسر وقتها
كنا ندفأ بعضنا فى بعضنا ونراك تبتسمين .. ننسى بردها
واذا غضبتِ كشفت عن وجهها وحيائُنا يأبى يدنس وجهها
لا تتركيهم يخبروكى بأننى متمردا خان الامانه او سهى
لا تتركيهم يخبروكى بأننى اصبحت شئ تافه و موجه
فأنا ابن بطنك وابن بطنك من اراد ومن اقال ومن اقر ومن نهى
صمتت فلول الخائفين بجبنهم وجموع من عشقوكي قالت قولها

كلمات قصيدة الوجهان للشاعر هشام الجخ

كلمات قصيدة الوجهان للشاعر هشام الجخ

كلمات القصيدة

بالهدي نرحم نعمة الرحمن وعد من الوهاب فى القران
وتفيض اعيننا لذكر جلاله ونرى وجود الله بالبرهان
انى رأيت الله رؤية عاقل متأمل فى الخلق والاكوان

حتى تبين للفؤاد جلاله فدمت تفيض لعشقه العينان
ان الحياه كعملة فضية ولكل شىء فى الدنا وجهان
فالعقل مركز كل شىء صائب والحب وجه المشهد الفتان
هذه الحياه بقلبها وبعقلها لا يستوى زوج بدون الثانى
فالله يوصف بالحكيم مهابه ومحبة ندعوه بالحنان

كلمات قصيدة ماكنتش هناك للشاعر هشام الجخ

كلمات قصيدة ماكنتش هناك للشاعر هشام الجخ

كلمات القصيدة

ماكنتش هناك
ماكنتش في شلة صحابك ساعتها
ماشفتش دموعك و كسرت جناحك
و لما الحبيب الوحيد استباحك
ماكنتش معاك
ماكنتش فى وقت انبساطك .... بساطك
ماكنتش فى وقت اندفاعك .... دفاعك
و لما عرفت السهاد و السهر
و اول ليله تناجى القمر
وغامت عليك السما و الليالى
سامحنى يا غالى .... ماكنتش سماك
فى اول بحبك .... ماكنتش معاك
و اول واحشني .... ماكنتش معاك
فاتتنى الحاجات المهمه في حياتك
ولما دموعك بتحكى اللى فاتك
بحس انى عايز افسر بكاك
يمكن لانى .... ماكنتش هناك

كلمات قصيدة اخر قصيدة اكتبهالك للشاعر هشام الجخ

كلمات قصيدة اخر قصيدة اكتبهالك للشاعر هشام الجخ

كلمات القصيدة

كرهـتك قد ما ضحكتى على شقايا
كرهــتك قد ما امى تحب رؤيـايـا
و قد رعشة ايدى وانا بكتب
أول قصيده أكتبهالك

آخر قصيده أكتبهالك
و آخر قصه فى كتابك
و آخر كلب فى كلابك
و آخر طيف يبات الليل على بابك

دا انا اللى كسّرت السهر
و رَقَصْت ويا الليل و رَقَّصت القمر

أنا اللى فَضّيت بِكر نجمه فى السما بَكّيت نجوم
و طلقت ايدى فى صدر نسمه اتلخبطت بين الغيوم
أنا الجخ و سامعه عنى و عارفه انى كل يوم
كنت قبلك ويا واحده و يمكن ويا اتنين فى يوم

تكسرينى؟! ... لا يا عينى
انتى واحده من ألوف
و ياما وانا عايش هشوف
انتى مجوعة قصايد بالمحبه بتبتدى
وهى دى
آخر قصيده أكتبهالك
و كان بودى اسمعهالك

نبرة الحزن فى كلامى مش ندم
ما أنا خدت منك كل حاجه وسبتلك حبة ألم
أنا خدت منك كل شئ
و فضلت قدامك برئ

كل ما فى الأمر إنى لسه ماشبعتش خيانه
تعرفى يا نانا الخيانه؟
مش خيانه تحبى غيرى .. يا خى حبى غيرى
همشى مع واحده تشوفيها و زى ما هغير انتى غيرى
مش خيانه

بس تبقى خيانه عظمى
يوم ما يبقى الحب كلمه
يوم ما تبقِى مالبدايه
حاطه للقصه نهايه

يا ترى لساكى فاكره؟

فاكره يوم ما رميتى قلبى بنظرتك قلبى اتجرح؟
كان فرح
أنا لسه فاكر.. كان فرح
كانت الرقاصه بتزِفّلِى حُبك
قلت احبك
يمكن الحب يداوينى
وادى ادينى
بكره اليوم اللى شفتك
بكره الشارع بكره الليل اللى ضمك
بكره القمره اللى بتفكرنى بيكى
و بكره اسمى اكمنه اسمك
بكره انى ابتسم
حتى اترسم
حتى اتدفن
بكره البحر اللى زغزغ صدرك السقعان فى حضنه
جيتى حضنى
حتى حضنى بكرهه لما اتّسعلك
بكره الشعر اللى خللانى ابقى نعلك
بكره القلب اللى سابلك صولجانه و بكرهك
واللى زانك طول سنين
جه الليلادى و شوهك

لا انتى ناعسه ولا انتى عبله ولا انتى شملوله الخجوله
اتكسر جوايه صوتك واتكسر جواكى عمر
بس عمرك هو عمرى
كان بودى أسيب فى قلبك ميت أتون من طين و جمر
بس قلبك هو شعرى

بكرهك...
ياللى ابتسامتك فرحتنى
و مرجحتنى و زحزحتنى
و كبرت...
الله اكبر
من كلامك من غرامك من عينيكى السودا ليل
قلبك المكسور بيعلن لانتصارى ميت دليل
و انتصارى مال على ودانى وهمسلى
قاللى "أوزوَلد" البرئ ما بقاش برئ
قاللى إن "سيزيف" دا زيف
و ان قولة آه بتطلع مالصعايده فين و فين
قاللى أنساكى فى مساكى
و اما اشوف قلبك عساكى تفوقى من وجع البنات
قالى بالرغم انه عارف انى حبيتك.. هجيتك
و انه شافك كاتبه اسمى بخط نونو تحت بيتك
قاللى شافك عالمرايه بتكشفى صدرك لصدرى
قاللى صبرك.. يا دى صبرى
اياك فاكرنى من حجر
اللى قاسَى فى حب نانا لو حجر...كان انفجر

كنا زى اتنين فى صحرا
ما فى ناس ما فى عيب مافى خوف ما فى بكره
كنا خيل وليل و مهره
كنا سكر و كنا فجر و كنا سهره
كنا نتواعد بكلمه و كنا نتصالح بنظره

كنا لما تسافرى أو اسافر
يصير الليل مالوش آخر
أكن عيونك النعسانه مجافيينك
و أكلم نفسى طول الليل و أقول فينك
و كان قلبى بوسع البحر..لملم موجُه فى سفينك
و نفس البحر دلوقتى لعنلك ميت سلسفينك
لا عاد موجه بيهواكى
و حتى نجومه فى سماكى
رموكى بعد ما رماكى
و كانوا فى ليلة تفينك..

و كانو يناموا فوق مريلتك الكحلى
ينقولك هدومك يوم ما نكون هنتقابل
أنا و نانا فى طول أيامنا ما كنا بنتقابل
ما كل الناس هتتقابل

احنا كنا..
احنا كنا..
والله ناسى كيف ما كنا
بس كنا

يمكن الحلم اتقتل بس الجبل
لو هده ريح أو حتى مال برضك جبل
و انا مش جبل من طين وقش ولا عضمى هش
إن كان على القلب اللى حبك آخره نعش
و انصِبله بدل الخمسه ألف
و يبقى مات ولا اتخدعش

كنت كيف السبيه بيه
و كنت ليكى عبد طايع
صرت ورقه و حبر ضايع
وقت فات ولا جابش عايد
مش بقولك..
انتى مجموعة قصايد

لمى ورقاتك خلاص الحبر جف
و احكى للجيل اللى طالع بكره يضحك
قولى لابنك فيه زمان واد عقله خف
اوعَى لتصيدك بِنَيّه و زى فرحه يولّى فرحَك

شيلى عمرك باللى فيه
خدت منك كام قصيده سامحى فيهم
حق كُرسيين معسل مش حكايه
خدت من عمرك بُكايه
و ابتسامتى سيبتهالك
يكفى إنى لسه مالك نفسى و بخبى البُكا
شوفى شاعر غيرى يوصفلك جمالك

أما عالقلم اللى فى ايدى
شاريه من دكان صعيدى
راسه ألفين دومه نَيّه لانسى حبك من أساسه
عشتى طبعا فى الصعيد و عرفتى ناسه
يبقى أسهل شى عليا
أنسى حبك و انسى حالك
وانى اقول عالقصيده ديا
آخر قصيده أكتبهالك

كلمات قصيدة ادينى نجحت للشاعر هشام الجخ

كلمات قصيدة ادينى نجحت للشاعر هشام الجخ

كلمات القصيدة

ادينى نجحت .. وشمتت فيا البوبات
ادينى نجحت .. وشمتت فيا البوبات
والمدرج والسلالم.. والحيطان قالت يا عالم
بكره حنشوف منه تانى.. ولا غار وارتحنى منه
بعد ما طال الانتظار
دار الضيافه.. علقت زينه بسرينه
والمسرح الى يدوب عرفنى مرتين
عامل فرح ....هشام نجح
وارتحنى منه ومن كلامه ومن قصايده ومن اللومان الى يوماتى بينفتح
هشام نجح
ونجاحه عبره وموعظه ودرس انشرح
اسمع واعى
يا كل طالب فى النشاط الجامعى اسمع واعى
كان فيه هنا واد اسمرانى المعى ..عمللى فيها الاصمعى
وكتب قصايده عالورق وكتب حياته عالورق
يا جامعه مليانه ورق
اهه لما قالوا انه نجح
قفلوا ملفه وكفنوه من غير ما حتى يتنعى
فا سمع واعى
جانى الخبر وانا فى الصعيد فاكرينه بشره
ماقدرتش استنى لبكره
كانت ساعتها الشمس لسه يادووب بتطلع
وانا جاى الصبح وحدى
لسه واصل مالسفر والدنيا برد
الدموع دفتلى خدى
قلت انط السور الم سنينى من جوا
السور غبى مارضيش يخلينى اعدى
سور الرعايه عشان جديد مافهمش قصدى
كل حاجه فيكى يا جامعه فرحت
لما قالوا انى نجحت
انا الوحيد الى ادبحت

كلمات قصيدة فى حب مصر للشاعر هشام الجخ

كلمات قصيدة فى حب مصر للشاعر هشام الجخ

كلمات القصيدة

ولا كنا نعرف الف.. ولا كنا نعرف به
ولا شفنا عمرنا نور ..غير لما قمرك جه
وفضلتى رمز الامان.. والناس مالقياش وطن
وزرعت قمح وغيطان.. و غلبت كل المحن
اقف انتباه يا زمان.. مصر الابيه اهه
ولا كنا نعرف الف.. ولا كنا نعرف به
والدفه... والدفه لو مالت.. نعدلها بكتافنا
اسمك فى حناجرنا.. واغانينا واكتافنا
مصر اى نقشت حجر.. وعلمتنا العد
مصر الى جيشها عبر.. مصر الى بنت السد
لا تعبنا يوم من السفر.. ولا كل مجدافنا
والدفه لو مالت.. نعدلها بكتافنا

كلمات قصيدة قالولك للشاعر هشام الجخ

كلمات قصيدة قالولك للشاعر هشام الجخ

كلمات القصيدة

(قالولك)
بحبك .. قد خف جملنا ما يحمل
وعرق انفار عتتغدى وترجع تاني وتكمل
قد الزرعه .. قد اللسعه وانا قاعد في ليلة برد عدفا
بحبك وانتي حبيني لاجل نسير الدفه
قالولك عني دا اسمر .. قوليلهم لونه من طينه
قالولك شعره كاركوتي .. قوليلهم وراثه عن طينه
قالولك عني مستعجل .. قوليلهم ناسه وارطينه
قالولك لخمه وبتهته .. قوليلهم علّه ولا حدش عيخلى من العلل طينه
قالولك ابوه ياما اتجوز .. قوليلهم ماله مش مالي -واني مالي- مادام مالي عيون الناس ومالي عيون نساوينه
قالولك ياما عيسافر ولا يسيبلك عناوينه .. قوليلهم صورتي منحوته في قلبه وعينه وجبينه
قالولك ايه دليل حبه .. قوليلهم اقروا دواوينه
قالولك ياما ساب قبلك .. قوليلهم دا انتوا ظالمينه
يا ريتكم زيي عارفينه
دا ساب الدنيا فوق رمشي
سيبوني اعوضه سنينه

كلمات قصيدة اختلاف للشاعر هشام الجخ

كلمات قصيدة اختلاف للشاعر هشام الجخ

كلمات القصيدة

يا حبيبي هذه البدايةُ تختلف
هذا البريقُ الساكن الجفنين مابين البدايةِ و البدايةِ يختلف
هذه الوجيعةُ حين يذكر اسمُها او حين يعلو في الدماء ندائها
هذه السطورُ تألفت و تجمعت كلماتُها كي تستحيل قصيدة ً..

هذه القصيدةُ تختلف


و ادى اللى صار، من يومي مطلوق ... تحت فوق
عايش حياتى بالإختيار، من غير حصار
لا أنا ناوى احب، ولا غاوى احب و لا فاضى احب
ولا لاقى سمره ترُجّنى و تخُضَنى و تصحى فيا الحبر يكتب على الورق... قلبى اتسرق

و أنا باعترف هذه الغلامه تختلف


يا ( --------------) ... انى احببتك فى زمن ما قبل زمان الأرواح
ماقبل النهرِ و قبل البحر
و قبل السٌكر و قبل الفٌجر
و قبل الراح
انى احببتك في زمن لا يعرف كيف تسافر في الأوردة جراح


و شايفك بتترعشي و شفايفك بدها تقولي: (اي-كا-دوللى)، بحبك
قد مانا مشتاقه لبلادى
و قد الوادى من النوبه لحد البحر، بحبك
قد يوم العيد و لبس العيد
و رعشة جسمى وانا واقفه بشوف النحر


و كل ليله كنت باحكي للقمر و باشهده
واما تِشتي كنت باحكي للمطر و باعقِده
لما ينزل فوق ازاز شباكك المقفول يقول:

هذه القصائد تختلف


هزي سكونى قد مللت الأن ان لا اعترف، (----------) بحبك حب صعيدي جوانى
بحبك كيف ما سكن الليل في صوت فيروز و سكن الليل في صوت قلبي و جوانى
بحبك حب حّيانى

و زود شوقى للحرقه ولل لقيا و للفرقه
وللدمعه اللى تنزل تحرق الجوابات
و كلمه ماما مش راضيه و عندي مذاكره مش فاضيه

و زود شوقى للمواعيد و للعربيد
و مشتاقلك و واحشانى و محتاجلك
بحبك


بحبك حب كان مكسوف يبين نفسه قدامى
و كان يطلعلي في منامى
في صورة جوز عيون صافيه
و بنت جمالها كله سمار و انا شايلك عروس الدار
و ضرب النار في كف عمامي مامبطلش
غريب الحلم لما يواعد النعسان و مايطولش

كلمات قصيدة ثلاث خرفات للشاعر هشام الجخ

كلمات قصيدة ثلاث خرفات للشاعر هشام الجخ

كلمات القصيدة

تلات 3 خرفان
ودي حكاية وكان يا ما كان ..

ولا يحلالي اي كلام ..

الا بذكر النبي الهمام ..
عليه الصلاة والسلام

3 خرفان
ومعزاية
وشجراية
وبير بترول
وديب فجعان

3خرفان ما يتاكلوش في يوم واحد
ما يتهضموش

راح للخروف
اتخن خروف
قال يا خروف ؟؟؟
عيال اخوك متنعنعين ومتنغنغين
وانت هنا في اسوأ ظروف ؟؟
يادي الكسوف !!
راح الخروف
علشان خروف
ضرب الخروف
الديب حيسكت ؟؟؟؟؟؟؟؟؟؟؟
راح للخروف
تالت خروف
شفت الخروف ؟؟!!
ضرب الخروف
احميك انا
وابات معاك في الدار هنا
واديني بس انت مكان
راح الخروف
علشان خروف
إدّاه مكان

يوماً سنقراُ في الجريدةِ يا بلادي انّنا كنا خرافْ
سيجفُ هذا النفطُ فوقَ جلودِنا
ونودّعُ السبعَ السِمانَ ونلتقي ألفاً عِجَافْ
سيُدَوِّنَ التاريخُ اسماءَ الملوكِ العادلينَ
الصابرينَ
الساكتينَ
الكاتمينَ الصوتَ بينَ شعوبِهم .. مثلَ الزرافْ
سيحاكمُ التاريخُ حكامَ العروبةِ كلِّها
وسينزعُ الاظفارَ منهم في سبيلِ الاعترافْ
إني احبك يا بلادي مرغما
واقول شعرا يا بلادي مرغما
والشعر إن مسَّ السياسةَ يستحيلُ مصائبا
والشعر إن مسَّ الصعيديينَ مثلي
يستحيل كحدِّ سيفٍ لا يخافْ
انا لا اخافْ

من كام سنة بِنْهِشّ بإدينا الفيران؟؟؟
ونقول ما ندَّخلش في امور الجيران !!!
من كام راسمين رجولتنا ادب
ناقشين إدينا نقش حنة
وقلنا سنة
ورمينا من إيدنا سلاحنا وقلنا هدنة
وبلدنا بِكْر بتُغتصب
يِعلاَ صوتها غصب عنها نِتْهِمْهَا بالشَغَب !!
يا بلاد ماليها الاَّ العجب
يا ( معرَّمين ) شعر وادب
هي الرجولة تتوزن وقت الغضب غير بالغضب ؟؟؟
هو اللي متَاخد غَصَب مش برضه يتاخد غصَب ؟؟
يا بلاد ماليها الا العجب
يا ( معرمين ) شعر وادب
الوزن هو اللي اختلف ولا الميزان اللي اتقلب ؟

من كام سنة بنسأل "بهية" مين قتل
واحنا اللي قاتلينه بإدينا !!
مدِّينا إيدنا للغريب وف بعض عضِّينا وعَادِينا
مين اللي ظالم في الحكاية .. ومين جبان ؟
مانلومش ع الديب اللي خان
احنا اللي خرفان بالوراثة
الصبر وارثينه وراثة
والطاعة وارثينها وراثة
والـــ ... وارثينه وراثة
وحاجات كتيرة مش وراثة
احنا خدناها وراثة

انا كل ما اتذكر نحية العلم يسرح خيالي
كان صوتي لسه عيالي .. بس عالي
كنت احسّ اني بهزّ المدرسة
كان العلم من فرحته يرقص على الساري شايله
طب كنتو ليه بتعلمونا نحفظ البرّ وجمايله
طب كنتو ليه بتعلمونا نكره الظلم وعمايله
لمّـا انتو ناويين تسجنونا في ارضنا
كان ايه لزوم العلم .. وهمومه .. ورزايله
طب كنتو سبتونا بهايم كنا نِمْنَــا مرتاحين
ازاي ابيع ارضي وعارف ان جسمي اصله طين
طب كنتو علمتونا مثلا اننا من اصل تركي
او اوروبي
ان جسمنا اصله حلاوة او مِلَبَّس
اشمعنى طين ؟؟؟
طب ولما الطين يروح .. ايه اللي فاضل ؟؟
ولمين نغني ونفدِي روح ؟؟ ولمين نناضل ؟؟؟؟
ولمين اعود واشتاق واحب واغير واكافح ؟؟
ولمين اغني واقول ( بحبك يا بلد) والحب طافح ؟؟

لاموا عليَّا الناس
عايزيني اقول اشعار في "محمد الدرة"
مش قايل !!!
ما انا لما قلت زمان يا بلادي يا ( رحبة )
قالوا ده واد سافل !!
واللي اتلَوِتْ مني واللي اتقَمَص مِنِّي
ونزلت عنيهم م الخجل في الارض
وبَهْدَلُوني وحَدَّفوني لبعض
وقالوا برضك عيب .. القاعة فيها بنات !!!!
طب يعني وفلسطين مش برضه فيها بنات ؟؟
والله دي فلسطين نسوانها رجالة
هما اللي عمَّالة واحنا اللي قوَّالة
عندينا تِبْقَى الست وَلَدها طول الباب وتخاف يروح مشوار
وهناك حريم من غَضَب
شايفين عيالهم دهب
وعشان ما يلمع زيادة لازم يدوق النار
وتقولوا اقول اشعار !!!!!!!!!
مش قايل

هما 3 كلمات
نعم .. اكيد .. طبعا ..
وطول ما فيه جُبَنَا .. فرعون بيتفَرْعَن
والشعر اصله جبان
اللي يقوله جبان
واللي يعيده جبان
قولنا بلاش نكتب والحرب اولى بْنا
قالوا حرام والنبي خلُّولْنا اولادنا
خايفين على ولادهم م الجنة ونعيمها
شوفتوش خيابة و همّ
الاسم رجالة والاسم عندنا دم
دي ام موسى ( المرة )
خافت على ولدها .. رمته في قلب اليم
واحنا ( بنتسولق ) وبنتشوي قرارات
تطلع قراراتنا صورة جماعية على صفحة الجُرنان
يا ما اشجع الفرسان
وتقولوا اقول اشعار .. مش قايل


همست في وِدْني ( بَحِبَّك ) ..
كان جسمها مفرود والخمرة عامياني
وبياض إديها كان بيزعق لما تعدل شعرها
الواد بيعرج م الرصاصة اللي في رِجْلُه
شدِّت حزام الروب
وبانت زي شيء معرفش شعري يوصفه..
كانوا العساكر قربوا
والواد متبت ع الحجارة اللي ف إديه
مدّت إديها وقَّفِت كل الساعات
صوت الكاسيت نبَّهني اني ف شقتي
كانوا العساكر قربوا
بيقربوا بيقربوا
والواد متَبِّت ع الحجارة اللي ف إديه
وَقَعِت قزازة البيرة من إيدي على طرف السرير
الواد صرخ في مخبأه
فاتلفتت قلقانة خايفة لاتجرح
جريت على الصوت العساكر
وابتدى صوت الرصاص يملا الجبل
دوَّرت عندي في الدولاب على حاجة تنفع لجل تِتْحَزَّم لي بيها
ما التقيت غير شال اخويا اللي اتقتل تحت الجبل
كان برضه يعرج لما يمشي من الرصاصة اللي في رجله
وكان متبت ع الحجارة اللي ف اديه
مين اللي خانك يا وطن ؟؟؟؟؟؟؟؟؟؟؟؟؟؟؟؟؟؟؟؟ ؟
قلعت حَلَقْها لما عَوَّرني ف رقبتي
وحطته جنب السرير
نامت على الارض العساكر لجل تسمع دَبِّة الواد اللي لسة مستخبي
اتكسف صخر الجبل من وقفته
هيَّج رماله ع العساكر
سامحيني يا وحدك
مقدرش اعيش هارب
انعس في حضنك كيف
والرملة في الصحرا واقفة وبتحارب


أعطوني عاما تقريبا لأجيدَ اللغةَ العبريةْ ..
فالجاري في وطني هذا ..
أخجلني صدقا أن أكتبَ شعرا باللغةِ العربيةْ

كلمات قصيدة شيماء يا مكه للشاعر هشام الجخ

كلمات قصيدة شيماء يا مكه للشاعر هشام الجخ

كلمات القصيدة

ليل الغواني غواني
من صُغري عايش فيه
عذَّب فؤادي وكَوَاني
بالله لتطّــفِّـــيه

الكالكليتور والمذاكرة وصوت لطيفة
والفجر لما غافلني قطع هدوء الليل
قلبي قليل الحِيل
سايق عليكي الوجع والغربة والمواويل
خليت عنيكي دليل
عشمان تخلِّيني
لما اشتكيت حبي للصخر خَرّ ولان بالله دِلِّيني
كيف الحجارة تلين ؟ وانتي اللي ما تليني؟
الشعر ده شعرك مش حانسبه لنفسي بس انتي مَلِّــيني

ياللي شخبطتي ف قصايدي
بزياداكي شخبطة والاسم شعر
قسّموني قبل منك ييجي ستين الف واحد نفسي يوم يبقالي سعر
نفسي ازفّك بين ضلوعي
نفسي انجِّدلك مراتب قلبي
ياما قلبي قبل منك لَمّ بَقّ
نفسي احبك حب حَقّ
بس خايف تبقِي نانا
يادي نانا
نفسي اوضِّب لك ضلوعي فَرْش عُرْسِك
ما اتفرشّ لواحدة قبلِك
نامي فيّا
مِدِّي رجليكي ازحميني
واحلمي لي وانقشي اسمك على الغضروف حروف
بعشقك رغم الظروف

بعشق الليل اللي نازل فوق كتافك شعر سايح
يا ام طيف كالسيف في جوف الصدر سارح
بعشق الضل اللي مَرْمي فوق تراب الارض منك واحسد الارض اللي تحته
قلبي كان مقفول فتحتُه
ولِّي وجهِك شَطْر قلبي واتلِي آيات اليمين
وانتي داخلة قدِّمي الرِجل الشمال أصلِي بتشاءم من الرجل اليمين
اصل قبلك لما خَشِّت قلبي نانا
يا دي نانا

يا نيل يا مبحِّر بوس لي خدودها الحُمر
لو حاحكي عن شوقي يلزمني مليون عُمر
رُجّ الشجر يا نيل سَمِّعها صوت شوقي
سكَّـنتها فوق البشر
فوق القمر
فوقي
سكّنتها عروقي
لما اشتكيت من بعدها زاد قُربها حروقي

يا نيل يا ابو المساطيل دوّقتني خَمرك ما تقول لها دوقي
فاضل كمان ساعة والشمس حتغرِّب
نركب سوا مركب
الدفة ف إديا وانتي اللي بتسوقي
لو دوقتي خمر النيل عمرك ما حتفوقي

يا نيل يا ابو الدراويش
خمرك عَرَق براطيش
عمره ما يِسْكِر حَد
لو بوستها يا نيل وانت في عِزّ الجزر يِتْقَاد في جوفك مَدّ
لو شُفتها يا نيل اباجورة بِتْلالي
راح تنسى عِلْو السد بلا سد بلا عالي
وتفيض وتلمسها
تلعب على شعرك وعنيك تغامزها
وتعوم على دراعك صدرك يغازلها
تطلع لي بردانة افرشلها رمشي
خَطِّي عليه وامشي
واوعي تخافي البرد
صدري طريق مبروك
من يومه طارح شوك
الليلة طارح ورد
دوسي ولا تخافي
يا قلبي يا صافي
محبوبتي جاية لك وسّع لها السكة
شيماء يا مكة
طالب احج البيت
حاسس كاني مراهق عمري ما حبّيت
ربِّـيني من تاني
نفسي ف سرير هزّاز ابكي تحايلِيني
نفسي تضمّيني
عرق البنات فيّا عكّر حوافيّا نفسي تحَمِّيني
ارجع وليد ابيض
انعس على صدرك
اشكيلك الغربة تدِّيني من صبرك
كاس الغرام دوقتُه صبُّولي فيه ياما نفسي ادوق صَبِّك
لا تكوني مفتكرة اني فتوّة من جوّة
ميغركيش صيتي
حتلاقي جوّة الجوف واحد ماليه الخوف لو جيتي بصّيتي
تبت يدا ابي عوّدني ع النسوان وفطمني ع الخمرة
علّمني حب الكعبة اكمنها سمرا

سايق عليكي الهوا والشمس والقمرة
شدّيني لهواكي مخنوق من الكَمْرة

خَصِيمك قلبك الليّن ورِقة صوتك الملكوت
يا فاكرة العشق شيئ هيِّن كواني العشق كيف الموت
منين ادخل سراديبك؟
منين انفض جلالبيك؟
واكون لك توب
خيطانه تداري فتنة قدّك اللولي
وينزل كبرياء صدرك على صدري واحلامك يصلّولي
بحبك حب فكّرني بقساوة شمسنا قِبْلي
بحضن امي اللي عمري ما اترميت جوّاه
ملاقيش جوّا صدرك ركن يقبلني
انا عيّل وصالح لسة لاستعمالك الهمجي
بنات الدنيا ما قدروا على وهجي
يا ريتك تقدري عليّا
يا غنوة دافي مَسْمَعها
انا قابل شروطك قبل ما اسمعها
يا ريت تنسانا دنيانا
تصير زيّانة زيّي انا
يا غيرانة ومعاتباني عشان نانا
دي نانا اللي اصولها تغير
بحبك وانتي بتردي واحبك يكش بتصدي واحبك وانتي بتغيري
بعيرك يا منخل هام بناقتها انا ناقتها ليه بتصد بعيري

بحبك حب م اللي الشعر عاجز لسة عن وصفه
طريق قلبي بقاله شهور طريق مهجور
عشانك حابتدي رَصفه
تقيد نار الغرام فيّا انوّر وابقى قنديلك
ولو صعبة عليكي السكة شاوري لي وانا اجيلك
اتوج شعرك الشلال بتاج جيلك
ويكفاكي اكون عبدِك
وانا يكفاني تَبْجِــيلك