كلمات اغانى الشيخ امام | كلمات اغنية

‏إظهار الرسائل ذات التسميات كلمات اغانى الشيخ امام. إظهار كافة الرسائل

الخميس، 17 مايو 2012

كلمات اغنية عيون الكلام غناء الشيخ امام

كلمات الاغنية

إذا الشمس غرقت في بحر الغمام
ومدت على الدنــيا مــوجة ظــــلام
ومات البصر في العيـون والبصايــــر
وغاب الطريق في الخطوط والدواير
يا ساير يا دايــر يا ابــو المفهومــــية
ما فيش لك دليـل غير عيون الكلام

كلمات اغنية على حسب وداد قلبي غناء الشيخ امام

كلمات الاغنية

على حســــــــب وداد قلبي ومزاج البلديات
أبعد م الشين واتاخر وإجول للزين سلامات
على حسب وداد قلبي

على صهد الآرض السمرا أنا أبوي النيل سواني
ممصوص وخشن من بره زى الطينه إلآسوانى
وألخضره ف قلبي وقلبي دايما على طرف لساني
ولساني حصاني رماني وتعبنى كتير وأذاني
ياما جابني وياما وداني من جولة في الحكايات
على حسب وداد جلبي

على بحر النيل يا جناوي ضليلة وجلة ميه
وناسات ع يجولوا حكاوي ع تخلي اللجمه هنيه
وشطوط مزروعه غناوي وغيطان ألحان مروية
وألزين يغزل مواله من كلمة عمه وخاله
وأنا زى ناساتي ما جالوا لفيت الجول حكايات
على حسب وداد جلبي

كلمات اغنية عطشان يا صبايا غناء الشيخ امام

كلمات الاغنية

عطشان يا صبايا وأنا عاشق ع السبيل
عطشان والماية ببلدي على عكس ما يجري النيل

والنخل العالي مطاطي والجذع الواطي ذليل
والريح العاكس كابس والريح العاطي بخيل
والنسمة اتعكر لونها من هم الناس يا خليل
عطشان والنيل في بلدنا والزرع أخضر وجميل
وانا كنت امبارح خالي واليوم ده صبحت عليل
عطشان ودواي حبيبي يسقيني العشق دليل
ودليل الحب عمايل وكلام الحب قليل
وأنا كل ما اقول التوبة تغويني المواويل
تطرح في القلب جناين تفقس فيها الزغاليل

كلمات اغنية عصفور غناء الشيخ امام

كلمات الاغنية

ياصياد الطيور ياخال
صباعك عن زناد الموت
دا انا عصفور ضعيف الحال
ولا اكفيش عيالك قوت

انا العصفور وليف الخضرة والمية
بأقول الحان يغنوها الجناينية
وأقول اناشيد كلامها جديد
على السامعين
بمعنى قريب ومعنى بعيد
وثورية..

طويت الجو بجناحي
وانا حاير
وضحكت في الهوى جراحي
وانا طاير

ورحت بعيد مع النسمة
وشفت كتير من القسمة
سنين والدنيا تبكي لي
بأقول ومسيرها مبتسمة
وادي لي كتير على دا لحال
وشفت الحلو والبطال
ياصياد الطيور ياخال

كلمات اغنية ع المحطه غناء الشيخ امام

كلمات الاغنية

ع المحطة

و اللي شفته ع المحطة

طلعت الخفة

أم شنطة

سلم الأتوبيس بنطة

حتة ملعب

و الأكادة

ف القوام و الحسن بطة

هي خشت درجة أولى

و الكراسي بقت منطة

سابو تانية و غلب تانية

و القطيع على أولى خطي

اللي يصبش ف الجونلة

واللي يعلى

و اللي يوطى

بص واحد م اللي هما

دمعم فلفل و شطة

شاف صنايعي

ف البريمو

قال له خش هناك

يا أوسطى

تانية

انسب للي زيك

دي الحقيقة

بلاش مغالطة

لسطى قال له

يا عم زوق

دي الحياة تحب المباسطة

و انت شايف

مش مغمض

حاجة ملبن

حاجة قشطة

و لا يعني الكون حيخرب

لو فقير

يلهط له لهطة

كلمات اغنية صبر ايوب غناء الشيخ امام

كلمات الاغنية

و لا تفهم معنى لأي كلام

و نلف نلف

و برضه نقول

الحرب سجال

داير على طول

و السكة أمل

و النية عمل

و الجهد حياة

و الراحة شلل

يا زنود الناس الشغالة

ملعونة الراحة

ف خط النار

النصر عروسة يارجالة

لكن ممهورة

بالاصرار

التار يا عروبتنا

التار

التار فوق رقبتنا

قنطار

و خلاص الشعب الحر اختار

الحرب

و ليحيا كفاح الشعب

كلمات اغنية صباح الخير غناء الشيخ امام

كلمات الاغنية

صباح الخير علي الورد اللي فتح في جناين مصر
صباح العندليب يشــــدي بألحان السبوع يا مصر
صــبـاح الداية واللفة ورش الملح في الزفة
صباح يطلع بأعلامنا من القلعة لباب النصر

سلامتك يامة يا مهرة
يـــــا حبالة يا ولادة يا سـت الكل يا طاهرة
سلامتك من آلام الحيض من الحرمان من القهرة
سلامة نهدك المرضع سلامة بطنك الخضرا
هناكي وفرحة الوالدة تضمي الولد يا والدة
يصونهم لك ويحميهم يكترهم يخليهم
يجمع شــملهم بيكي يتمم فرحتك بيهم

صباح الخير علي ولادك صباح الياسمين والفل
تعيشي ويفنوا حسادك ويسقوهم كاسات الذل
وبلغ يا ســـــــمير غطاس يا ضيف المعتقل سنوي
بصوتك دا اللي كله حماس صباح الخير على الثانوي
وأهلا بيكو في القلعه وباللي في الطريق جايين
ما دامت مصر ولادة
وفيها الطلق والعادة
حتفضل شمسها طالعة برغم القلعة والزنازين

كلمات اغنية شيد قصورك غناء الشيخ امام

كلمات الاغنية

شيد قصورك ع المزارع ... من كدنا وعمل إدينا

والخمارات جنب المصانع ... والسجن مطرح الجنينه

واطلق كلابك في الشوارع ... واقفل زنازينك علينا

و يقل نومنا في المضاجع ... ادي احنا نمنا ما اشتهينا

واتقل علينا بالمواجع ... احنا اتوجعنا واكتفينا

وعرفنا مين سبب جراحنا ... وعرفنا روحنا والتقينا

عمال وفلاحين وطلبه ... دقت ساعتنا وابتداينا

نسلك طريق ما لهش راجع ... والنصر قرب من عنينا

كلمات اغنية شوف الحكايه (عشق الصبايا) غناء الشيخ امام

كلمات الاغنية

شوف الحكاية يا ولد شوف الحكاية
عشق الصبايا يا ولد طوّل معايَ
منهم هنايا يا ولد منهم أسايا
وهما جرحي ياولد وهما دوايَ

زرع الوداد على غير ميعاد بقى شغلتي
أزرع وأبيع قبل الربيع من جنتي
وأحلف ما أتوب وان شاء الله أتوب في محبتي
دا الصبر طيب يا ولد صبرك معاي

حبيت سواد العين سنة ونسيت صباحي
وغرقت في ليل الضنى عطشان وصاحي
ولما بان ورد الشفايف لون جراحي
طاوعت قلبي ورحت له والشوق ورايَ

لو الأخ اللي بأتوى فيه يصبح مراعي
لأطوي المداين على القدم وأمشي له ساعي
وأفرد قلوعي يا ولد وأركب شراعي
أنا وحبيبي في الهوى على هوايَ

كلمات اغنية شرم برم غناء الشيخ امام

كلمات الاغنية

أنا الأديب الأدباتي

غايظني حال بلدياتي

و غلبت أوحوح و أهاتي

لكن بلدنا

سمعها ثقيل

الله الله يا بدوي

هات الشخاليل

شرم برم

و الناس غافلة

و الغفلة

ع الأفهام قافلة

و الكذب لعلع ف الحفلة

و أغلب السامر مساطيل

الله الله يا بدوي

دق الشخاليل

حالتنا ما تسرش انسان

و حالنا

يصعب ع الغلبان

لكن يا خلق علينا لسان

لو جريناه ع الصلب

يسيل

الله الله يا بدوي

يا أم الشماليل

السوس نخب سقف العشة

و عضمة الغنمات

هشة

عايزين صابونة و مقشة

و هات ياكنس

و هات يا غسيل

الله الله يا بلدي

مشوارنا طويل

آدي العبارة يا متولي

و آدي الصراحة اللي تخلي

عرق الغضب

فينا تمللي

بالجهل نافر

و التضليل

الله الله يا بدوي

لم الشخاليل

كلمات اغنية شجرة لو اماني غناء الشيخ امام

كلمات الاغنية

يا اماني يا شجره ف بستاني
بتفرع يا ما وتعلو ..
وبيستناها الفكهاني
ولا تطرح غيركلمه لو ..
لوأغمض وافتح تانى
الاقينى طاير فى الجو
والشمس عروسه مقابلانى
بالطرحه الدهبي وبالضو ..
لاخطف طرحتها وفرحتها
وانزل فى اللحظه وفى التو
ابدر انورها واشواقي
ع الارض تنور تحلو ..
والمس بالكف المتحني
ع الزرع يبشر ويمني
والحب يرعرع ويغني
والعمر يهني ويغلو ..
ويقوموا الناس فى الفجريه
والصبح بيضحك هأ او
والليل بعيونه الحراميه
بيعيط خايف م العو ..
وامانى كتيره مشاغلانى
ممكن تتحقق يوم او
على راي صاحبنا الفكهاني
لو تطرح يوم شجره لو ..

كلمات اغنية شال الهوى غناء الشيخ امام

كلمات الاغنية

شال الهوى بينا

حط الهوى تاني

و احنا و السفينا

في بحر الأماني

عمي يا للي ماشي

ع الشط القريب

قوللي و انت ماشي

لأ و طيب

حبي راح ماجاش

مش حييجي تان

شال الهوى بينا

حط الهوى تاني

شال الهوى شاله

بان المستخبي

شاف قلبي نداله

يا عيني يا قلبي

حط الهوى شاله

خبى السحر عني

هو الهوى ماله

داير باله مني

كل ما يلاقينـــــــــــي

اشوف عينه تراعيني

كأنه بينادينــــــــــــي

أفوت أهلي و جيراني

شال الهوى بينا

حطالهوى تاني

شال الهوى شيلة

حطالهوى حطه

هما يوم و ليلة

كان فرش و غطى

شال الهوى بيا

من بين الحبايب

حط الهوى بيا

و أنا قلبي دايب

و التقيتني ماشي

أدور ما التقاشي

و اللي راح ما جاش

فكرني و نساني

شال الهوى بينا

حط الهوى تانى

شال الهوى بينا

رحنا عشمانين

حط الهوى بينا

جينا عطشانين

يا عشاق بلدنا

يا ولاد الغرام

لا رحنا استفدنا

و لا جينا بسلام

خدنا الهوى رحنا

و احنا زي ما احنا

و ارجعنا بجراحنا

و بحبة أماني

شال الهوى بينا

حط الهوى تاني

كلمات اغنية سلام للأرض غناء الشيخ امام

كلمات الاغنية

سلام يا أرضنا

يا غطان الفلاحين

يا مصنع الصنايعي

يا بحور الصيادين

يا مدرسة يا جامعة

سلام و الدنيا سامعة

ينور ألف شمعة

ف ليل الحيرانين

و يبدد الظلام

سلام سلام سلام

سلام يادين قوية

خشنين و عرقانين

ينامو المغربية

و يقوموا مبدرين

يخضرو الجناين

و يطيرو الحمايم

و يعمرو المداين

و يضيعو ف الزحام

سلام يحمي الحياة

و صناع الحياة

ز يظيك الانتباه

ف الناس الذيبين

للحق و السلام

سلام سلام سلام

سلام يا أرضنا

يا جنات الزتون

يا أغلى عندنا

من حبات العيون

سلام نحميه بروحنا

و نصونه ف القلوب

و نداوي به جروحنا

احنا و كل الشعوب

سلام يطرح أماني

و يزوق الأغاني

و يروق الأناني

و يسقي العطشانين

بالعدل و السلام

سلام

كلمات اغنية سايغون - ابجد هوز غناء الشيخ امام

كلمات الاغنية

أبـجد هــوز حطي كــلمن إفتح صفحة إمســـــك قلمن
إكتب زي الناس ما بتنطق سقطت سايجون رفعوا العلمن

طلعت شــــمس اليوم ده أغاني كل ما نسمع نعشق تاني
طلعت شمس اليوم ده حريقه تكوي الجرح وتبري الألمن
ســــايجون عادت للثوار فـــوق الدم وتحت النار
جدوا فوجدوا زرعوا فحصدوا وإحنا إيدينا للسمسار
واللي قالوه السمسارجية واللي حكاه السمساردار
لما قروه القروانجية بالمستعدل والمندار
هتش ونتش بعزم الصوت عن أمريكا وهول أمريكا
زعموا الفانتوم شايل موت سقط الموت بعلم أمريكا
جاتكو فضيحه يا طبقه سطيحة وعاملة فصيحة وجايبة العار
وكتبنجية وفصحنجية وسمسارجية وسمساردار

سايجون درة يا ثوار عادت حره للأحرار
ده احنا حنشبع بكرا أغاني إسمع وحفظ يا كتباني

واثبت عندك فى الأوراق مصر بتنضح بالأشواق
مصر عروسة وبكرا عريس والعشاق إحنا العشاق

فينا وبينا ولينا الثورة إحنا الثورة وهي الناس
فينا الماضي وبينا الحاضر والمستقبل هو الناس

كلمات اغنية سايس حصانك غناء الشيخ امام

كلمات الاغنية

سايس حصانك ع القنا و تعال
تلقى القوليلة مبخرة و ملانة
الصدر مرمر و النهود عريانة
مديت ايدي على النهود اتفرج
نترت دراعي يا دراعي يانا

سايس حصانك بعد غيبة طويلة
يا عاوج الطربوش مع النرجيلة
العمر طول و السعادة قليلة
قلت لها و الله اللي رماك رمانا
نترت دراعي يا دراعي يانا

نترت ذراعي ليه و أنا من الأول
عاشق و عشقي للجميلة طول
إزاي أتوب عن الغرام و أتحول
يا بو رمش جبنا في الهوى و ودانا
نترت دراعي يا دراعي يانا

بحلم بيومنا و إنت إيدك فى إيدى
بحلم و حلمى أد ما إنت تريدى
قد الحلال قد القمر و يزيدى
قد الهموم اللى تبات شغلانا
نترت دراعي يا دراعي يانا

كلمات اغنية سالمه يا سلامه غناء الشيخ امام

كلمات الاغنية

بانوراما الدنيا فــونية صندوق الدنيا عصري
الصورة من أميركا والصوت من جوا مصري
لو تفهم كل قصدي أوهب لك نص قصري
و اكتب لك الوصية على جناح الحمام
و اتفرج يا سلام لم واتفرج يا سلام

شوف عندك يا سلام لم واتفرج يا سلام
هزلية مسرحية على تياترو السلام
سلام كلام أغاني وعليكم السلام
ما عاد على الغلابة عايد غير الكلام
و الحالة كل مادا يا سادة يا كرام
واتفرج يا سلام لم واتفرج يا سلام

سالمه يا ســـلامه و داليدا رجعت بسلامة
ســـالمه يا سلامه اه يا ســلمى يا سلامة
مصرية و من مواليد شــبرا من تحت نفقها ومجاريها
لـو كانوا ما حرقوش الاوبرا كـانت حتصهلل لياليها
بالغنوة المدهونة شــفايف غرقانة وســايحة ببلاويها
سيد درويش اللي حيلتنا سرقوه و باعوه بيعة ندامة
سالمه يا ســـلامه وداليدا رجعت بسلامة
ســـالمه يا سلامه اه يا   ســلمى يا سلامة

سالمه يا سلامه كوكا كولا جات بالسلامة
نشروا الاعلان ملو الجرنان جوا البراويز الدهبية
والتلفزيون بالصوت واللون كوكا كولا هي الاصلية
اشرب يا خفيف بطّل تخاريف
بلا طيز الطور بلا وطنية
كوكا كولا تفوق و تروق ضد الافكار الهدامة
سالمه يا سلامه طيري بينا ورفرفي يا حمامة
سالمه يا سلامه على مصر التانية أم علامة

ولادة وحبلى وبـــكرية غصبا عن عين اللي باعوها
لا تغير لونها ولا أوانها ولا تنسى لسانها ،وضربوها
دي حبال مواويل من فيض النيل وتسلي ولادها يغنوها
تزرع غناويها بحواريها على نغمة بكرا البسامة
يا سالمه يا سلامه تولد وتقوم بالسلامة

كلمات اغنية ساتيا جراها غناء الشيخ امام

كلمات الاغنية

الى روح المهاتما غاندي الفقير

الطي حرر الهنك بةلمو سلام

ساتيا جراها

تبري السقم

وتشفي العاهة

لف المغزل تاني تاني

اغزل توبك

و اغزل تاني

ملعونة السلعة البراني

و اللي جلبها

و اللي قناها

ساتيا جراها

يا ولاد الهند

يا غافلين

و بقى لكم ع الحال دا

سنين

البقرة تحت السكين

و خلاصها ف كلمة و معناها

ساتيا جراها

ساتيا جراها تعني سلام

لا سلبية و لا استسلام

لكن خطوة تسير قدام

بالشعب ان هب و خطاها

ساتيا جراها

تجمع شعب اتغرب

تاه

ضاع من بعضه

يا ولداه

مش فاكر غير كلمة آه

من علة استعصت

و دواها

ساتيا جراها

كلمات اغنية رسالة الى الحدود غناء الشيخ امام

كلمات الاغنية

واه يا عبد الودود
يا رابص ع الحدود
و محافظ ع اللظام
كيفك يا واد صحيح
عسى الله تكون مليح
و راجب للامام
أمك ع تدعي ليك
و ع تسلم عليك
و تجول بعد السلام
خليك ددع لابوك
ليجوا مين دابوك
و يمصخوا الكلام
واه يا عبد الودود
ع أجولّك و انت خابر
كل الجضية عاد
ولسة دم خيك
ما شرباش التراب
حسك عينك تزحزح
يدك عن الزناد
خليك يا عبده راصد
لساعة الحساب
أن الأوان يا ولدي
ما عاد الا المعاد
تنفض الشركة واصل
وينزاحوا الكلاب
عايزني أكون أبوك
بتديب لي ثار اخوك
و الأهل يبلغوك
دميعا السلام
واه يا عبد الودود
كيفك و كيف زمايلك
عسى الله طيبين
خالك زناتي داي لك
ضمن المطوعين
و اختك تطلع يوماتي
ع المستشفى الجديمة
حاكم ع يمرنوها ف العركة
تكون حكيمة
و محمدين موافي
يتعلم المطافي
ويجولك شد عزمك
ويجولك العوافي
ومن هنا الجرايب و العيلة و العيال
ع يبلغوك سلامهم و لتمتة الردال
و آخر الكلام نجولك في الختام
الله يصون بلدنا
و يحرص السلام
والدك حسن محارب
غفير برد الحمام

كلمات اغنية رجعوا التلامذة غناء الشيخ امام

كلمات الاغنية

رجعوا التلامذة
يا عم حمزة للجد تاني
يا مصر إنتي اللي باقية
و انتــــــــــي
قطف الأماني
لا كورة نفعت
و لا أونطة
و لا المناقشة و جدل بيزنطة
و لا الصحافة و الصحفجية
شاغلين شبابنا
عن القضيـــة
قيمولنا صهبة يا صهبجية
و دوقونا طعم الأغاني
رجعوا التلامذة
للجد تـــــــاني

طلعوا التلامذة ورد الجناين
اسمع يا ميلص و شوف و عاين
ملعون أبوك ابن كلب خاين
يا صوت أميركا
يا أمريكانـــــــي
رجعوا التلامذة يا عم حمزة
للجد تانــــــــــي
يا مصر إنتي اللي باقية و انتــــــــــي
قطف الأمانــــي

كلمات اغنية دور يا كلام غناء الشيخ امام

كلمات الاغنية

دور يا كلام على كيفك دور

خلي بلدنا تعوم ف النور

ارمي الملمة ف بطن الظلمة

تحبل سلمى و تولد نور

يكشف عيبنا

و يلهبنا

لسعة ف لسعة

نهب نثور

دور يا كلام على كيفك دور

عم دياب

شايل غاب

و مسوح ف بلاد الناس

من شوق نوله

يعزل قوله

و يغني مرفوع الراس

بلدي يا نبع النور سلسال

يسقي الفكرة للأجيال

بلدي يالقمة عيش يا حلال

ع الأكالة

و ع الأكال

يا أم النيل سايل

مواويل

كل مغني و له موال

و أنا أرغولي لما يمول

سوى ف الأخر

سوى ف الأول

مش حيغني الا

يا مصر

يا ركوبة ركاب النصر

سرقوكي سكان القصر

و الضابط

عبد المأمور

دور يا كلام على كيفك دور