كلمات تلوي ذراعي حسين الجسمي

دخـيلك لاتـصلح غلطـتك خل الجروح تـزود
إذا مـا للغلا سيره فـ ما لمعاتبك داعى
انين الناى يـجرح كثر مايبدع به المضهود
وكثير الصبر في باب المقفى يفتح اوجاعي
رسمتك للقا صدفه و شباك ولقاء وورود
وطاحت عيني الثكلاء على سكينك الساعى
كثر ماافتح الصوره تجي حلو الليالى سود
كثر مايرتفع موج البحر تستضعف شراعى
نسيت اني سليل المجد لاخايف ولامحدود
انا اللى بـ قطع ذراعى قبل لاتلوي ذراعى
عسى ما شر وش خلاك من عقب الصدود تعود
وعلى حد الخطاء واقف تحرى جيت الساعى
عطيتك من سمى فكرى غلا لكن بدون حدود
قوافى تنزف حروف العتب و تصور ابداعى
مشيت الدرب لحدود الوفى صعب علي اعود
ابمشى لين ماتجفل عظامى و تنتهي قاعى
مسحت من الخيال اسمك ولالك فالوجود وجود
ولا عاد المنادى منك صوت  يطرب اسماعى
خلاص ارحل مع الغياب لاغالي و لامفقود
خطيت بحبك و بعض الخطايــا مالها داعى